Screen-Shooter pantaila-kapturatzaile txiki bat da eta oso erabilerraza. Panelean agertuko zaizu, eta bertan klik eginez, mahaigain osoaren edo leiho bakar baten kaptura har dezakezu.
Applet hau panelari gehitzeko, egin klik eskuineko botoiaz panelaren zati huts batean eta hautatu Applet-ak->Utilitatea->ScreenShooter.
Mahaigain osoaren argazkia nahi baduzu, egin klik ezkerreko botoiaz monitorearen irudian. Tamaina normaleko panel horizontaletan, applet-aren barnean egoten diren bi botoietatik behekoa izaten da, eta panel horizontal estuetan edo panel bertikaletan, aldiz, eskuineko botoia.
Leiho bakar baten argazkia nahi baduzu, egin klik ezkerreko botoiaz leihoaren irudian. Tamaina normaleko panel horizontaletan, applet-aren barnean egoten diren bi botoietatik goikoa izaten da, eta panel horizontal estuetan edo panel bertikaletan, aldiz, ezkerrekoa botoia. Botoia sakatuta geratuko da eta kurtsorea gurutze bihurtuko da. Eraman kurtsorea argazkia hartu nahi duzun leihora, eta egin klik leiho horretan.
Applet-ean eskuineko botoiaz klik egiten baduzu, applet-ek normalean izaten dituzten aukerak biltzen dituen menua irekiko zaizu; besteak beste, behean deskribatzen den Propietateak aukera izango du.
Screen-Shooter hainbat gauza egiteko konfigura daiteke. Screen-Shooter konfiguratzeko, egin klik applet-ean hirugarren botoiaz (normalean eskuinekoa) eta hautatu Propietateak laster-menuan. Ezarpenen elkarrizketa koadroak jarraian deskribatzen diren zazpi sailak ditu: Horietako bost ikusten dira hasieran: beste biak lehenengotik atera eta ezkutatzen dira.
Dekorazioa kapturatzeko kontrol-laukiak zehazten du leihoaren titulu-barra eta ertzak hartu behar diren ala ez. Screen-Shooter-ek leiho baten argazkia hartzen duenean bakarrik du eragina, eta ez pantaila osoarena edo zuk hautatutako laukizuzenarena hartzen duenean. Normalean kontrol-lauki hori hautatuta egoten da eta ondorioz leihoaren titulu-barra eta ertzak kapturan sartzen dira.
Audio-seinalearen kontrol-laukiak zehazten du Screen-Shooter-ek soinua egingo duen ala ez argazkia ateratzean. Aukera lehenetsia soinua jotzea da.
Alferrikako aukeren kontrol-laukiak kontrolatzen du Screen-Shooter-en aukera berezi eta balio handirik gabeak erabilgarri izango dituzun ala ez. Lehenespenez ez dira erabilgarri egongo. Aukera hau hautatzen baduzu, beste bi fitxa agertuko zaizkizu ezarpenen elkarrizketa-koadroan: Alferrikakoa 1 eta Alferrikakoa 2.
Mahaigainaren argazkiak egitean, atzerapen edo tarte bat ezar dezakezu Screen-Shooter-en klik egiten duzunetik argazkia aterako duenera bitartean. Atzerapena minutu batekoa izan daiteke gehienez. Aukera hau erabilgarria izan daiteke leiho jakin batean jarri nahi duzunean fokua edo menu bat ireki nahi duzunean.
Konpresio-kalitateak ez du adierazten fitxategia zenbateraino konprimituko den, baizik eta konprimitu ondoren zenbateraino gordeko dituen xehetasunak. Konpresio-kalitatea zenbat eta handiagoa izan, orduan eta hobea izango da irudiaren kalitatea, baina fitxategiaren tamaina ere orduan eta handiagoa izango da. JPEG, MIFF edo PNG fitxategi gisa gordetzean garrantzitsua izaten da. Konpresio-kalitate lehenetsia % 75 da.
Izenak berak nahiko argi azaltzen du aukera honek zer egiten duen: hautatuta badago, irudia monokromoa izango da. Lehenespenez hautatu gabe egoten da.
Honen izenak ere nahiko argi azaltzen du zer egiten duen: Hautatuta badago, irudiaren koloreak alderantzikatu egiten dira: zuria beltz bihurtzen da, more argia berdexka bihurtzen da, eta abar. Polita... baina ez oso erabilgarria. Lehenespenez hautatu gabe egoten da.
Argazkia gordetzeko direktorioak lehendik sortuta egon behar du, Screen-Shooter-ek ez dizu sortuko. Definituta ez dagoen lekuren batean gordetzen saiatzen bazara, ez du argazkirik egingo. Direktorio lehenetsia ~/ da: zure home direktorioa.
Screen-Shooter-ek malgutasun handia ematen dio erabiltzaileari argazki bakoitzari izena jartzeko. Fitxategi-izenaren eremua (direktorio-eremua bezalaxe) erabili aurretik shell batera pasatzen da shell-zabalkuntza normalerako. Horrek aukera ematen dizu programa, script edo ingurune-aldagaien irteerak erabiltzeko argazkiei izena jartzeko. Honen arrazoia fitxategi-izen bakarrak erabiltzeko aukera ematea da. Lehenespenez Screen-Shooter-ek orduan eta datan oinarritutako izena sortzen du: izen horrek, noski, bakarra izan behar du beti (lehendik ez dagoena). Izen lehenetsia honelakoa izango da: `date +%Y_%m_%d_%H%M%S`_shot.jpgame>. Ikus dezakezunez, fitxategi-izenak date komandoaren irteera hartzen du data-marka sortzeko. Horrela, datan oinarritutako izena sortzen du, portzentaje-ikurrek eta letrek ematen dioten formatuarekin. Ondoren, izenaren gainerako zatia gehitzen du, data-marketatik kanpo dagoenarekin. Portzentaje-ikur kriptikoen azalpenak man date komandoan aurki daitezke, baina fitxategi-izen lehenetsiko argumentuak honako hauek dira:
Eguneko ordua (00tik 23ra)
Orduko minutua (00tik 59ra)
Minutuko segundoa (00tik 59ra)
Hilabeteko eguna (01etik 31ra)
Urteko hilabetea (01etik 12ra)
Urtearen azken bi digituak
Beste fitxategi-izen batzuk ere erabil ditzakezu. Hona hemen adibide batzuk:
screenshot-`date +%Y%m%d-%H%M%S`.jpg
pic-`date +%H%M%S`.png
argazk.jpg
`izena_emateko_nik_egindako_scripta`.jpg
Fitxategiaren atzizkiak fitxategi-mota zehazten du. Irudi-formatu desberdin ugari onartzen du Screen-Shooter-ek. Proba egin; ea zorterik duzun. Zerrenda osoa nahi baduzu, idatzi man convert. Irudi-mapa duen .html bat sortzen eta halako gauza bitxiak egiten ere saia zaitezke.
Screen-Shooter-ek ez badu ezagutzen zure fitxategi-izenaren atzizkia, edo ez badiozu jarri atzizkirik, argazkia MIFF fitxategi gisa gordeko du. Erabili convert utilitatea gero formatua aldatzeko.
Pantaila-argazkia ikusteko kontrol-laukia hautatu gabe egoten da lehenespenez. Hautatzen baduzu, argazkia ateratakoan bistaratu egingo du. Horretarako ikustaile bat zehaztu behar duzu: Lehenetsitakoa ee da; Electric Eyes irudiak ikusteko programa abiarazten du.
Sortu koadro txikia ez badago hautatuta, orri honetako beste aukerek ez dute eraginik izango. Lehenespenez, hautatu gabe egoten da.
Koadro txikiak izango duen jatorrizkoaren tamainaren ehunekoa da. Ezarpen lehenetsia % 25 da.
Hau da erabiliko duen konpresio-kalitatea. Ezarpen orokorretan bezala, Konpresio-kalitatea zenbat eta altuagoa izan, orduan eta xehetasun gehiago mantenduko dira, eta koadro txikia orduan eta handiagoa izango da. Balio lehentsia % 50 da.
Aurrizki hau erantsiko zaio koadro txikiaren fitxategi-izenari tamaina osoko argazkiarengandik bereizteko. Hutsik uzten baduzu, koadro txikiak tamaina osoko argazkia gainidatziko du eta tamaina osokoa galdu egingo duzu. Aurrizki lehenetsia "thumb-" da.
Kalitate handiko bitartekoaren kontrol-laukia hautatu gabe egoten da lehenespenez. MIFF irudia sortzen du koadro txikia egiten duenean. "Galeradun" fitxategi-formatuak datuak eta xehetasunak betiko galtzen ditu, berreskuratzeko aukerarik bat ere ez du ematen, baina, aldi berean, "galera gabeko" formatuak baino askoz fitxategi txikiagoak sortzen ditu. Galeradun fitxategi-formatuaren adibide tipikoa JPEG da.
![]() | Aukera hauek nabarmen murrizten dute prozesatzeko ahalmena aurreko sailetako aukerekin konparatuta. Pantaila-argazkiaren tarteko irudia sortzen dute, eta ondoren, horren gainean egiten dituzte eragiketak. Aukera horietakoren bat gaituta badaukazu, argazkia osatzeko denbora gehiago beharko du, tratamendu gehigarriak egin beharko ditu eta. |
Irudia normalizatzeko kontrol-laukiak irudia eraldatzen du kolore-balioen barruti osoa erabil dezan. Lehenespenez hautatu gabe egoten da.
Ekualizatu irudia kontrol-laukiak histograman oinarritutako irudi-ekualizazioa gaitzen du. Prozesu horrek irudi baten kontraste txikia konpentsatzen du eta zehaztasun handiagoa ematen dio. Lehenespenez hautatu gabe egoten da.
Hobetu irudia kontrol-laukiak Screen-Shooter-i agintzen dio irudia ahalik eta ondoen garbitzeko eta zarata kentzen saiatzeko. Lehenespenez hautatu gabe egoten da.
Irudiko orbanak kentzeko kontrol-laukiak orban-puntuak urritzen ditu, ingurukoengandik oso kolore desberdina duten pixel bakanak kenduz. Lehenespenez hautatu gabe egoten da.
Irudia arazten du behean zehaztutako faktorearen arabera. Lehenetsitako faktorea 0 da, baina % 100 artekoa izan daiteke.
Irudia eskuinerantz, erlojuaren aldera, zenbat gradu biratu behar den. Balio lehenetsia 0 da: biratu gabe.
gamma kontrol-laukia gamma doitzeko erabiltzen da. Gama-balioa irudiaren argitasunaren intentsitateari dagokio eta nahiko konplexua da. Screen-Shooter-en barrutia 0,8tik 2,3ra bitartekoa da, eta balio lehenetsia 1,6 da. Ez da eskala lineala (zuzena) eta, beraz, probak egin beharko dituzu. Gamma murrizten baduzu, irudia ilundu egingo da. Handitzen baduzu, berriz, argitu egingo da.
Markoa sortzeko kontrol-laukia hautatu gabe egoten da lehenespenez. Hautatzen baduzu, argazkiaren inguruan markoa jarriko du. Markoa beti grisa izaten da, baina Tom Gilbert-ek dio, inork eskatzen badu, berak gehituko dizkiola kolorea ezartzeko aukerak.
Markoaren zabalera zehazten du pixel-etan. Pixel-barrutia 1etik 50era bitartekoa da. Marko lehenetsia 6 pixelekoa da.
Bertikalki ispilatutako irudia ematen du. Hurrengo aukerarekin batera erabil daiteke. Lehenespenez hautatu gabe egoten da.
Horizontalki ispilatutako irudia ematen du. Aurreko aukerarekin batera erabil daiteke. Lehenespenez hautatu gabe egoten da.
Irudi bat erliebetzean kolorea galtzen du eta erliebe handiagoz agertzen da. Lehenespenez hautatu gabe egoten da.
Koadroan script edo programa baten izena jartzen baduzu eta bidali... kontrol-laukia hautatzen baduzu, script edo programa hori automatikoki exekutatu ahal izango da irudia eta koadro txikia sortzean. Aukera hau irudia automatikoki inprimatzeko erabil daiteke, edo script baten bidez fitxategiak katalogatzeko, edo web orri bati automatikoki irudiak gehitzeko. Azken horretarako adibide gisako script bat badu Screen-Shooter-ek.
![]() | Tom Gilbet-ek dio: "Aukera hauek zentzugabeak dira. Baina grazia dute. Eta horrexegatik jarri ditut.". Aukera hauek ere prozesatzeko ahalmena murrizten dute, lehen ikusitako post-tratamenduko aukerek bezala. |
Sail honetan eta hurrengoan zerrendatzen diren aukerak erabili ahal izateko, Bistaratu alferrikako aukerak hautatuta izan behar duzu Ezarpen Orokorren fitxan. Bestela ez dituzu erabilgarri izango.
Lausotu irudia kontrol-laukia lehenespenez hautatu gabe egoten da eta lausotze faktorea 0 izaten da. Kontrol-laukia hautatu eta lausotze-faktorea aldatzen baduzu, irudia lausotu ahal izango duzu. Balio handiena jarrita ere (100), letra-tipo normala terminal-leiho normalean nahiko deszifragarria izango da.
Ikatz-ziriaren kontrol-laukia lehenespenez hautatu gabe egoten da eta ikatz-ziriaren faktorea 0 izaten da. Ikatz-ziri efektuak zikindura arina duen irudi monokromoa sortzen du, eta zikindura hori faktorearen araberakoa izango da. Dena den, nabarmendutako testuarekin ez da oso ondo moldatzen. Faktore handiena 100ekoa da.
Ertzak bilatzeko kontrol-laukia lehenespenez hautatu gabe egoten da eta faktorea 0 izaten da. Irudi monokromoa sortzen du, eta irudi horretan kolore desberdinetako guneak nabarmendu beharrean, kolore desberdineko areen arteko ertzak eta mugak nabarmentzen ditu. Oso erabilgarria da mapetan eta argazki astronomikoetan. Faktore handiena 100ekoa da.
Irudia inplosionatzeko kontrol-laukia lehenespenez hautatu gabe egoten da eta faktorea 0 izaten da. Pantaila-argazkia okertzen du erdigunean pisu batek zapaldu izan balu bezala. Faktore handiena 100ekoa da.
Pintura-itxura kontrol-laukia lehenespenez hautatu gabe egoten da eta pixel bakoitzaren inguruan margotu beharreko erradioa 0 izaten da. 5 inguruko erradioa ezarriz gero, pintura inpresionistaren efektua ematen dio. 50 inguruko erradioa ezartzen badiozu, PUZaren zikloak ero moduan jango dizkizu 10 minutuz, nahiko ahalmen handiko makina batean. Erradioa gehienez 100ekoa izan daiteke, baina balio hori erabiltzeko ahalmen handiko makina beharko duzu edo pazientzia handia.
Eguzkitu irudia kontrol-laukia lehenespenez hautatu gabe egoten da eta 0ko faktorea izaten du ezarrita. Eguzkitze-efektua negatiboetatik argazkiak errebelatzean nabaritzen da lehen aldiz. Irudi negatibo bat ematen du, baina ezarpen orokorretako "alderantzikatu koloreak" aukerak egiten duenaren ezberdina da lortzen dena. 5eko faktorearekin emaitza ikusgarriak lortuko dituzu, eta gehienez 100eko faktorea ezar dezakezu.
Zabaldu irudiko pixelak kontrol-laukia lehenespenez hautatu gabe egoten da eta faktorea 0 izaten da. Irudiko pixelak 5eko erradioan zabalduz lortuko duzun efektua arinki izoztutako kristaletik begiratzea bezalakoa izango da. Kristal oso izoztuaren efektua lortzeko, 25 ezarri. Gehieneko faktorea 100ekoa da.
Zurrunbilotu pixelak kontrol-laukia lehenespenez hautatu gabe egoten da eta 0ko faktorea izaten du ezarrita. Pixelak zurrunbilotzen badituzu, irudi desitxuratua lortuko duzu, inplosionatutako irudiaren antzekoa, baina erdiguneko puntu baten inguruan zurrunbiloak egiten dituena eta ez puntu horretara luzatzen dena. 20ko erradioak ispilu desitxuratzailearen efektua ematen dio, ez bakarrik irudi ispilatuarena; 90eko erradioarekin asko areagotzen da efektua (baina testua irakurtzen da hala ere); 180rekin irudi osoa okertuta agertzen da, eta 360rekin (maximoa) espiral-efektua sortzen da.
PNG formatuan gordetako pantaila-argazkiak sarritan gaizki ikusten dira Netscape-n edo GNOMEren laguntza-arakatzailean. Hori Netscape-ren eta GNOMEren irudi-liburutegien akatsengatik gertatzen da, eta ez Screen-Shooter-en akatsengatik. Irudiak ikusteko beste programa batekin ikus ditzakezu formatu horretako pantaila-argazkiak, edo irudien konpresio-maila aldatu Ezarpenen elkarrizketa-koadroan.
Screen-Shooter applet-a Tom Gilbert-ek idatzi du (<gilbertt@tomgilbert.freeserve.co.uk>). Eman ScreenShooter-en akatsen berri GNOMEren akatsen segimendurako datu-basean. Hori egiteko gune hartako ildo nagusiak jarrai ditzakezu edo komando-lerroko bug-buddy erabil dezakezu. Paketearen izenean, jarri gnome-applets.
Eskuliburu hau Telsa Gwynne-k (<telsa@linuxchix.org>) eta Tom Gilbert-ek (<gilbertt@tomgilbert.freeserve.co.uk>) idatzi dute. Eskuliburuari dagozkion iruzkinak eta iradokizunak GNOMEren dokumentazio-proiektura bidal ditzakezu: <docs@gnome.org>. Iruzkinak linean ere egin ditzakezu GNOMEren dokumentazio-egoeraren taula erabiliz.